Qur’oni karimning o‘zbek tilidagi ma’nolarini elektron so‘zma-so‘z tarjimasidan bahramand bo‘ling!

Alhamdulillah oxirgi yillarda xalqimiz Qur’oni karim hadisi sharif fiqh kabi diniy ilmlarga qiziqishi ortib bormoqda. Xalqimizda sof Islom dinimiz ta’limotlarini o‘rganishga bo‘lgan qiziqish ziyodalashgani alomatlarini ayni damda kitob do‘konlarimizda sotib olinayotgan adabiyotlar hajmidan ulamolarimizga berilayotgan dinimizga oid savollarning ortganidan ham bilsa bo‘ladi. Shuningdek Qur’oni karim va hadisi sharif bo‘yicha mamlakatimizda o‘tkazilayotgan turli musobaqa va tadbirlar ham yurdoshlarimizning milliy ma’naviy va diniy ildizlarimizga ehtiromi va ehtimomi sababidan ekani xayrlidir albatta. Ushbulardan kelib chiqib biz ham ojizona urinishlarimiz ila siz azizlarga Qur’oni karimning o‘zbek tilidagi ma’nolarini elektron so‘zma-so‘z tarjimasini tayyorlab taqdim etishga jazm qildik.

Hozirda Fotiha Baqara va Oli Imron suralarini tayyorladik. Duolaringizda eslab turishingizni o‘tingan holda qolgan qismlarini ham tayyorlab siz azizlarga taqdim qilish harakatidamiz. Ushbu tarjimamizga shayx Muhammad Sodiq Muhammad Yusuf rahimahullohning Qur’oni karim va o‘zbek tilidagi ma’nolari tarjimasi kitoblarini asos qilib oldik.